Elektron poçtu nə gözləyir?
Bakı, 21 dekabr (AZƏRTAC). Financial Times yazır ki, bir çox şirkətlər əsas daxili kommunikasiya vasitəsi kimi elektron poçtdan istifadə etməkdən tədricən əl çəkirlər.
Elektron poçt xəbərlərinin izlənməsi getdikcə artıq köhnəliyə çevrilir. Məqalə müəllifi Mayya Pelmer yazır: “Faktlar təsdiq edir ki, güclü tənzimləmə əsrində bankirlər, məsələn, əlyazma məktublar kimi daha çətinliklə izlənən kommunikasiya üsullarının xeyrinə elektron poçtdan imtina edirlər”. Hökumət məmurları məxfi məsələlərdə elektron poçtdan istifadə etməməyə çalışırlar, çünki o, İnformasiya azadlığı haqqında qanuna uyğun olaraq ictimaiyyətə aşkar ola bilər.
Amma bəzi şirkətlər elektron poçtu sadəcə qeyri-səmərəli ünsiyyət vasitəsi hesab edirlər. Kanadanın Klick adlı rəqəmsal marketinq şirkətinin prezidenti və idarə heyətinin başçısı Lirom Siqal demişdir: “Biz belə hesab edirik ki, email prinsipcə qeyri-məhsuldardır, həddindən artıq çox sənədə baxmaq lazımdır və məlumatlar itir. Burada prioritetlər yoxdur, sənəd dövriyyəsini idarəetmə yoxdur, güman edilir ki, ən mühüm xəbər yuxarıda olandır. Mənim işgüzar tərəfdaşım elektron poçtun kütlüyündən elə yorulmuşdur ki, 14 il bundan əvvəl sənəd dövriyyəsini idarə etmək üçün daha mükəmməl vasitələr hazırlamağa başlamışdır”.
İki yüz nəfərdən çox adamın çalışdığı Klick şirkəti hazırda elektron poçtdan yalnız xarici müştərilərlə ünsiyyət üçün istifadə edir, bütün daxili məlumatlar isə Genomedən - istifadəçilərin sənəd dövriyyəsini izləməsinə imkan verən sistemdən keçir. Klick şirkətinin özünün hazırladığı bu proqram elə yaxşı işləyir ki, şirkət artıq öz ofislərində onun quraşdırılmasına maraq göstərən müştərilərdən sifarişlər alır.
Bölmənin digər xəbərləri
