ƏLİL UŞAQLARIN “ASFALT ÜZƏRİNDƏ RƏSM” SƏRGİSİ KEÇİRİLƏCƏK
Tədbir daun sindromlu və autizmli uşaqların “Dəcəllər” kukla teatrı ictimai birliyi, “Müşfiq” əlil uşaqlara yardım ictimai birliyi və “Sahib” əlil və kimsəsiz uşaqlara yardım cəmiyyətinin təşkilatçılığı ilə həyata keçiriləcəkdir. Aksiyanın keçirilməsindən məqsəd əlil uşaqların cəmiyyətdən təcrid olunmasının qarşısını almaq, yaşıdları ilə ünsiyyətdə olmalarına şərait yaratmaqdır.
Sərgidə iştirak edəcək 150-dən çox əlil uşaq əvvəlcə əlilliyi olmayan həmyaşıdları ilə birlikdə asfalt üzərində rəsmlər çəkəcək, sonra isə konsert proqramı ilə çıxış edəcəklər.
Təhsil Nazirliyinin, bir sıra beynəlxalq və yerli qeyri-hökumət təşkilatların nümayəndələrinin də dəvət olunduğu aksiyada uşaqlara hədiyyələr paylanacaqdır.
Bölmənin digər xəbərləri
