Elmi seminar: Günəş-Yer əlaqələri fizikasının bəzi nəzəri məsələləri
Bakı, 15 may, AZƏRTAC
Mayın 15-də Azərbaycan Milli Elmlər Akademiyasının N.Tusi adına Şamaxı Astrofizika Rəsədxanasında (ŞAR) növbəti astroloji seminar keçirilib.
Rəsədxanadan AZƏRTAC-a bildiriblər ki, seminarda şöbə müdiri Bayram Rüstəmov ölkəmizdə elmin inkişafına xüsusi əhəmiyyət verildiyini diqqətə çatdırıb.
Sonra kosmik plazma və heliogeofiziki problemlər şöbəsinin elmi işçisi Mahir Pirquliyevin “Günəş-Yer əlaqələri fizikasının bəzi nəzəri məsələləri” mövzusunda məruzəsi dinlənilib.
Məruzəçi Günəş-Yer əlaqələri fizikasının mühüm problemlərindən olan Günəş neytrinosu problemi haqqında ətraflı məlumat verib.
Seminarda, eyni zamanda, ŞAR-da aparılan elmi-tədqiqatlar diqqətə çatdırılıb, müzakirələr aparılıb, suallar cavablandırılıb.
Bölmənin digər xəbərləri
