ƏMƏK PENSİYALARI İLDƏ BİR DƏFƏDƏN AZ OLMAYARAQ ARTIRILACAQBU, YENİ QANUNDA ƏKSİNİ TAPMIŞDIR
Azərbaycan hökuməti ölkə vətəndaşlarının sosial vəziyyətinin yaxşılaşdırılmasını başlıca vəzifə kimi qarşıya qoymuşdur. İqtisadiyyatımız inkişaf etdikcə, əhalinin sosial qayğıya daha çox ehtiyacı olan hissəsinə verilən pensiya və müavinətlərin məbləği artırılacaqdır. Bu artım “Əmək pensiyaları haqqında” qanun layihəsində də əksini tapmışdır. Layihənin əmək pensiyalarının artırılması və müasirləşdirilməsi ilə bağlı maddəsində deyilir ki, əmək pensiyasının baza hissəsi, ildə bir dəfədən az olmamaq şərti ilə, müvafiq icra hakimiyyəti orqanı tərəfindən artırılır. Əmək pensiyasının sığorta hissəsi (o cümlədən, qanun qüvvəyə minənədək qazanılmış əmək pensiyasının sığorta hissəsi) və fərdi hesabın sığorta hissəsində toplanan pensiya kapitalı müvafiq icra hakimiyyəti orqanının qərarı ilə müasirləşdirilir.
S.Müslümovun sözlərinə görə, bu cür müddəaların qanunda əksini tapması gələcəkdə pensiyaların və onun sığorta hissəsinin inflyasiyadan sığortalanması üçün nəzərdə tutulmuşdur.
Bölmənin digər xəbərləri
