Əminə Məhəmməd BMT Gündəliyinin həyata keçirilməsi məqsədilə İspaniyaya səfər edəcək
Madrid, 20 fevral, AZƏRTAC
Birləşmiş Millətlər Təşkilatının (BMT) baş katibinin birinci müavini Əminə Məhəmməd gələn həftə İspaniyaya səfər edəcək.
AZƏRTAC xəbər verir ki, səfərdən məqsəd özəl sektorla, mərkəzi və yerli hakimiyyət orqanları ilə görüşlərdə 2030-cu ilədək olan dövrdə inkişaf sahəsində BMT-nin Gündəliyində duran məsələlərin icra olunmasıdır.
Ə.Məhəmməd Madrid, Barselona və Sevilyada dünyanın bütün ölkələri tərəfindən razılaşdırılmış Gündəliyin başlıca məqsədlərinin həyata keçməsi məsələlərinə xüsusi diqqət ayıracaq. Bu məsələlərə yoxsulluğun aradan qaldırılması, ətraf mühitin mühafizəsi, iqtisadi artımın stimullaşdırılması və yeni iş yerlərinin yaradılması aid edilir.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
