Enerji Məsələlərini Tənzimləmə Agentliyinə birinci rübdə 1456 vətəndaş müraciət edib
Bakı, 14 aprel, AZƏRTAC
Cari ilin I rübü ərzində istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı Enerji Məsələlərini Tənzimləmə Agentliyinə (AERA) bilavasitə və Energetika Nazirliyindən 1456 müraciət daxil olub.
Agentlikdən AZƏRTAC-a bildirilib ki, elektrik enerjisi təchizatı ilə bağlı 94-ü məlumat xarakterli olmaqla, 1182, təbii qaz təchizatı ilə bağlı 18-i məlumat xarakterli olmaqla 222, istilik təchizatı ilə bağlı 2-si məlumat üçün olmaqla cəmi 20 müraciət edilib. Digər məsələlərlə bağlı isə 2-si məlumat üçün olmaqla 32 müraciət göndərilib.
Müraciətlərdən 980-i agentlik tərəfindən araşdırılıb və cavablandırılıb (18 müraciət müvafiq qaydada baxılması və tədbir görülməsi üçün aidiyyəti qurumlara göndərilib), 2 müraciət Energetika Nazirliyi ilə müştərək icra olunub, 358 müraciət hazırda baxılma prosesindədir. 116 məlumat xarakterli müraciətdən 44-ü qaldırılan problemlərin həlli ilə bağlı təşəkkür məktubu olub.
Bölmənin digər xəbərləri
