EPSON EUROPE B.V. ŞİRKƏTİ TƏKLİF EDİR
AZƏRTAC xəbər verir ki, şirkətin Qazaxıstan və Özbəkistandakı baş nümayəndəsi Əlişir Rəhmanov mərasimi açaraq demişdir: “Azərbaycan bizim üçün perspektiv istiqamətdir və təklif etdiyimiz məhsulların yüksək keyfiyyətinə və etibarlılığına zəmanət veririk”. Onun sözlərinə görə, Epson texnologiyalarına üstünlük verən istifadəçilərin sayının artması faktı buna sübutdur.
Sonra şirkətin PR-meneceri Valentina Zlobina çıxış edərək bildirmişdir ki, Epson Europe B.V. təsviri almaq texnologiyalarının, o cümlədən printerlərin, proyektorların, JK-displeylərin və sairənin istehsalı sahəsində dünya lideridir. Şirkətin müxtəlif ölkələrdəki 115 nümayəndəliyi və şöbəsində 85 mindən çox adam işləyir. 2004-cü maliyyə ilində Yaponiyanın Seiko Epson Corp. şirkətinin başçılığı ilə şirkətlər qrupu satışdan 1479,7 milyard yen əldə etmişdir.
Şirkətin nümayəndələri şırnaqlı printerlərin funksional imkanlarını nümayiş etdirmiş və MicroPiezo texnologiyalarından istifadənin əsas üstünlüklərindən danışmışlar.
Şirkətin təklif etdiyi məhsullar siyahısında printerlər, çoxfunksiyalı qurğular, planşetli skanerlər, multimedia proyektorları, rəqəmli kameralar və aksessuarlar da var.
Bölmənin digər xəbərləri
