Ersin Tatar: Lefkoşa Türk Gəncləri Akademiyasının yaradılmasını təklif edir
Ankara, 16 oktyabr, AZƏRTAC
Şimali Kipr Türk Cümhuriyyətinin (ŞKTC) Prezidenti Ersin Tatar Lefkoşanın Şimali Kiprdə Türk Gəncləri Akademiyası yaratmağa hazır olduğunu açıqlayıb.
AZƏRTAC xəbər verir ki, Qazimağusa rayonunda keçirilən mitinqdə çıxış edən ŞKTC Prezidenti Türk Dövlətləri Təşkilatının (TDT) Dövlət Başçıları Şurasının Qəbələdə keçirilən 12-ci Zirvə Görüşünün nəticələrini yüksək qiymətləndirib.
"Bizi Azərbaycanda ən yüksək səviyyədə, müstəqil dövlətin nümayəndələri kimi qarşıladılar. ŞKTC xalqının mövqeyini TDT ölkələrinin rəhbərlərinə çatdırmaq imkanım oldu”, -deyə Tatar bildirib.
Kipr türklərinin lideri ŞKTC-ni “Şərqi Aralıq dənizində TDT-nin strateji qalası” və “180 milyonluq Türk dünyasının ayrılmaz hissəsi” adlandırıb.
Siyasətçi qeyd edib ki, Qəbələ sammiti zamanı Türk Gəncləri Akademiyasının yaradılması təşəbbüsü ilə də çıxış edib. O əlavə edib: “Bu Akademiyanın fəaliyyəti müasir çağırışlar kontekstində dünyanın müxtəlif ölkələrindən olan gənclərin üfüqlərini genişləndirməyə kömək edəcək”.
AZƏRTAC-ın xüsusi müxbiri
Ankara
Bölmənin digər xəbərləri
