Əskişəhər dərnəkləri Şuşanın işğalı ilə bağlı bəyanat yayıb
Ankara, 9 may, AZƏRTAC
Ermənistan silahlı qüvvələri 1992-ci il mayın 8-də Azərbaycanın Şuşa şəhərini işğal edib. Bu hərbi təcavüz nəticəsində şəhərin tarixinə, mədəniyyətinə və dini varlığına qarşı qəsd törədilib. Məktəb və kitabxanalar, muzey və mədəniyyət evləri tam şəkildə dağıdılıb, mülki əhali hərbi təcavüzə məruz qalıb.
Görkəmli yazıçı-publisist, saxta “erməni məsələsi” üzrə araşdırmaçı Əhməd Urfalının AZƏRTAC-a verdiyi məlumata görə, Əskişəhər Azərbaycanlıları Dərnəyi, Sınerjı (milli düşüncə) Hərəkatı İctimai Birliyi və Eskişəhər Qızı Alam Turan Təşkilatının Şuşanın işğalı ilə bağlı birgə yaydıqları etiraz bəyanatda yer alıb.
Bəyanatda diqqətə çatdırılır ki, Şuşanın işğalı Ermənistanın Azərbaycana qarşı təcavüzkar siyasətinin bir hissədir. Ermənilər tərəfindən törədilən vəhşiliklər dünyanın gözü önündə baş verib və bu, beynəlxalq hüququn tapdanmasıdır.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
