ƏVVƏLLƏR MƏHKUM OLUNMUŞ ŞƏXS 8 KİLOQRAMA YAXIN MARİXUANANI SATARKƏN TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Narkotiklərlə Mübarizə Baş İdarəsinin qərb bölgəsində regional şöbəsi və Qax Rayon Polis Şöbəsi əməkdaşlarının birgə keçirdikləri əməliyyat tədbirləri nəticəsində Şəki şəhər sakini, əvvəllər məhkum olunmuş Ələsgər Əhmədov 7 kiloqram 610 qram marixuananı satarkən tutulmuşdur.
Gəncə Şəhər Polis İdarəsi əməkdaşlarının keçirdikləri əməliyyat tədbirləri nəticəsində şəhər sakini, əvvəllər məhkum olunmuş Rövşən Allahverdiyevdən 5 kiloqram 300 qram marixuana götürülmüşdür.
Baş Narkotiklərlə Mübarizə İdarəsinin əməkdaşları Bakı sakini Elçin Sultanovdan 0,854 qram heroin müsadirə etmişlər. Narkotik vasitəni ona vermiş İran vətəndaşı, əvvəllər məhkum olunmuş Kumərs Fikri Məsud tutulmuş, onun üzərindən 2,211 qram, idarə etdiyi “BMW” markalı avtomaşına baxış zamanı isə 30,087 qram heroin aşkarlanmışdır.
Faktlarla bağlı cinayət işi açılmışdır, araşdırmalar aparılır.
Bölmənin digər xəbərləri
