Əziz Səlaminin “Bahara yazdıqlarım” kitabı nəşr olunub
Bakı, 7 sentyabr, AZƏRTAC
Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun Cənubi Azərbaycan ədəbiyyatı şöbəsinin elmi işçisi Zəminə Zeynalovanın tərtib etdiyi Əziz Səlaminin “Bahara yazdıqlarım” kitabı işıq üzü görüb. Tərtibçi “Ön söz”də müəllif və kitab haqqında oxucuları məlumatlandırır.
İnstitutdan AZƏRTAC-a bildirilib ki, kitab Almaniyada mühacirət həyatı yaşayan Cənubi Azərbaycan yazarı Əziz Səlaminin müxtəlif illərdə yazdığı nəsr əsərlərini əhatə edir. Nəşrin redaktoru filologiya üzrə fəlsəfə doktoru Fikrət Süleymanoğlu, rəyçiləri filologiya elmləri doktoru Esmira Fuad və filologiya üzrə fəlsəfə doktoru Mahmizər Mehdibəyovadır.
“Optimist” nəşriyyatında nəşr olunan kitaba müəllifin “Bahara yazdıqlarım” povesti, hekayələri və publisistik məqalələri daxil edilib.
Bölmənin digər xəbərləri
