FAO-nun Azərbaycandakı nümayəndəsi: Dünyada bitkilərin sağlamlığı çox ciddi problemlərlə üz-üzədir
Bakı, 21 may, AZƏRTAC
Təəssüf ki, hazırda dünyada bitkilərin sağlamlığı çox ciddi problemlərlə, çətinliklərlə üz-üzədir.
AZƏRTAC xəbər verir ki, bunu BMT-nin Ərzaq və Kənd Təsərrüfatı Təşkilatının (FAO) Azərbaycandakı nümayəndəsi Muhammad Nasar Hayat “Yaşıl dünya naminə bitki sağlamlığı” Forumunda jurnalistlərə müsahibəsində deyib.
"Müasir dünyada bitki sağlamlığı çox vacib məsələlərdən biridir. Qidamızın 80, nəfəs aldığımız oksigenin 98 faizi bitkilərdən asılıdır. Təəssüf ki, hazırda bitkilərin sağlamlığı çox ciddi problemlərlə, çətinliklərlə üz-üzədir. Bu, istər zərərvericilərin, xəstəliklərin yayılması, istərsə də iqlim dəyişikliyi səbəbindən baş verir. Odur ki, tədbirin Bakıda keçirilməsi çox düzgün və vaxtında verilmiş qərardır. Bu il Bakı mötəbər tədbir olan COP29-a da ev sahibliyi edəcək. “Yaşıl dünya naminə bitki sağlamlığı” Forumuna COP29-a hazırlıq tədbiri kimi də baxmaq olar".
Bölmənin digər xəbərləri
