FƏLƏSTİNLİLƏRİN SAYI 10 MİLYON NƏFƏRƏ YAXINLAŞIR

02.01.2004 [11:37]
Çap et
A⁺ A^-

AZƏRTAC-ın xarici informasiya kanallarından aldığı xəbərdə deyilir ki, 6 milyon fələstinli 2004-cü ili Fələstin muxtariyyətinin ərazisindən kənarda, məcbur olub köçdükləri onlarca ölkədə qarşılamışdır. Fələstin Mərkəzi Statistika Bürosunun yanvarın 1-də yayılmış məlumatına görə, dünyada 9,7 milyon fələstinli vardır.

Lakin onların yalnız 3,7 milyonu muxtariyyətin tərkibinə daxil olan ərazidə - İordan çayının qərb sahilində (2,3 milyon) və Qəzzə bölməsində (1,4 milyon) yaşayır. Bir milyondan çox fələstinli öz tarixi vətənində, İsraildədir, onlar bu ölkənin vətəndaşlarıdır. Fələstinlilərin ən böyük yaşayış məskəni qonşu İordaniyadadır. Burada 2,8 milyon fələstinli məskunlaşmışdır. Suriya və Livanın hərəsində, təxminən, bir milyon fələstinli sığınacaq tapmışdır. Digər ərəb ölkələrində onların ümumi sayı 600 min nəfərdir. Fələstinlilərin Yaxın Şərq regionundan kənarda ən böyük yaşayış məskəni ABŞ-dadır. Burada təqribən 250 min fələstinli yaşayır.

FƏLƏSTİNLİLƏRİN SAYI 10 MİLYON NƏFƏRƏ YAXINLAŞIR

MÜƏLLİFLƏ ƏLAQƏ

Bölmənin digər xəbərləri