Fərid Quliyev “Sumqayıt”da 86 nömrəli formanı geyinəcəkdir
Bakı, 7 iyun (AZƏRTAC). Aftandil Hacıyev, Emin Cəfərquliyev, Sabir Allahquliyev və Ceyhun Sultanovu heyətinə qatan “Sumqayıt” futbol klubu növbəti transferini reallaşdırmışdır.
Klubdan AZƏRTAC-a bildirmişlər ki, milli komandamızın üzvü, son olaraq “Neftçi”nin şərəfini qorumuş Fərid Quliyev klubla 1+1 sistemi üzrə (2 illik) müqavilə imzalamışdır.
F.Quliyev “Sumqayıt”da 86 nömrəli futbol geyimində çıxış edəcəkdir.
Futbolçu karyerasına “Bakı”da (26 oyun, 2 qol) başlayan F.Quliyev “Muğan” (13 oyun, 4 qol), “Standard” (28 oyun, 16 qol) və “Neftçi”nin (19 oyun, 4 qol) şərəfini qorumuşdur. O, həmçinin 5 dəfə Azərbaycan yığmasının formasını geyinmişdir.
Bölmənin digər xəbərləri
