Finlandiya boks üzrə dünya çempionatında iştirakdan imtina edib
Bakı, 30 yanvar, AZƏRTAC
Finlandiya Boks Federasiyası idmançılarını Hindistanda keçiriləcək qadınlar arasında dünya çempionatına göndərməyəcək.
AZƏRTAC xəbər verir ki, bu barədə Finlandiya mətbuatı məlumat yayıb.
Federasiyanın belə bir addım atmasına səbəb rusiyalı boksçuların mundialda iştirakıdır. Federasiyanın direktoru Marko Layne Rusiya idmançılarının iştirak etdiyi turnirlərə qatılmayacaqlarını söyləyib.
Qadınlar arasında dünya çempionatı martın 15-dən 31-dək Dehli şəhərində keçiriləcək.
Bölmənin digər xəbərləri
