Firuzə Nadir: Uşaqların sosial şəbəkələrin zərərli təsirlərindən qorunması ən aktual tələblərdən biridir
Bakı, 9 iyun, AZƏRTAC
Uşaqların sosial şəbəkələrin zərərli təsirlərindən qorunması günümüzün ən aktual tələblərindən birinə çevrilib. Bu məsələdə dövlət qurumları ilə yanaşı, ailə, məktəb, media, eləcə də cəmiyyətin bütün üzvləri ortaq məsuliyyət daşıyır.
Bu sözləri AZƏRTAC-a açıqlamasında Ailə, Qadın və Uşaq Problemləri üzrə Dövlət Komitəsi yanında İctimai Şuranın sədri Firuzə Nadir söyləyib.
"Biz hesab edirik ki, məsələyə yalnız qadağalar prizmasından yanaşmaq düzgün deyil. Bu sahədə maarifləndirməyə, rəqəmsal mədəniyyətin formalaşdırılmasına və sosial şəbəkələrdən məsuliyyətli istifadənin təşviqinə üstünlük verilməsi daha səmərəli nəticələr verə bilər", - o əlavə edib.
Bölmənin digər xəbərləri
