FRANSADA 5 NƏFƏR ODLU SİLAHDAN QƏTLƏ YETİRİLMİŞDİR
AZƏRTAC-ın xüsusi müxbiri xəbər verir ki, Fransanın Tuluz şəhəri yaxınlığındakı La Maqdelen-sür-Tarn qəsəbəsi sakinlərini şoka salmış faciə baş vermişdir. Qəsəbənin 55 yaşlı sakini odlu silahdan atəş açaraq 2 qardaşını, 2 oğlunu və qızını qətlə yetirmişdir. Qanlı hadisəni törətmiş qatil maşına əyləşərək, naməlum istiqamətə yola düşmüşdür. Onun axtarışına 85 jandarm cəlb olunmuşdur.
Qətl zamanı ağır yaralanmış 20 yaşlı qızın köməyə çağırışı ilə hadisə yerinə gələn qonşular və asayiş keşikçiləri evdə 4 nəfərin meyitini aşkar etmişlər. Yaralı qız xəstəxanaya çatdırılsa da, onun həyatını xilas etmək mümkün olmamışdır.
1012 nəfərlik qəsəbənin meri bu müdhiş xəbərdən, bütün sakinlər kimi, o da özünü itirmişdir. Mer demişdir ki, hadisə hamını təəccübləndirmişdir. Axı, bu ailədə heç vaxt problem olmamışdır.
Bölmənin digər xəbərləri
