Futbol üzrə Azərbaycan yığması beynəlxalq turnirə qələbə ilə başlamışdır
Bakı, 10 may (AZƏRTAC). Mayın 10-da Moldovanın paytaxtı Kişinyovda təşkil olunmuş “FA of Moldova Cup” turnirində 17 yaşadək futbolçulardan ibarət Azərbaycan yığması ilk oyununu keçirmişdir.
AZƏRTAC xəbər verir ki, litvalı həmyaşıdları ilə qarşılaşan futbolçularımız 2:1 hesabı ilə qələbə qazanmışlar.
Oyunda ilk qolu Litva yığması vurmuşdur. Orxan Əliyev penalti zərbəsini dəqiq yerinə yetirməklə hesabı bərabərləşdirmiş, Kənan Manafovun vurduğu qol isə qarşılaşmanın yekun nəticəsini müəyyənləşdirmişdir.
Bölmənin digər xəbərləri
