Futbol üzrə Qətər və Yaponiya millilərinin Amerika Kubokunda rəqibləri müəyyənləşib
Bakı, 25 yanvar, AZƏRTAC
Futbol üzrə Qətər və Yaponiya millilərinin bu il Braziliyada keçiriləcək futbol üzrə Amerika Kubokunda rəqibləri müəyyənləşib.
AZƏRTAC TASS agentliyinə istinadla xəbər verir ki, 2022-ci ildə dünya çempionatına ev sahibliyi edəcək Qətər millisi B qrupunda Argentina, Kolumbiya və Paraqvay yığmaları ilə qarşılaşacaq. C qrupunda yer alan Yaponiya millisinin rəqibləri isə Uruqvay, Ekvador və Çili milliləri olacaq. Turnirin A qrupunda Braziliya, Boliviya, Venesuela və Peru komandaları çempionluq uğrunda mübarizə aparacaq.
Qeyd edək ki, dörd ildən bir keçirilən bu turnirə Cənubi Amerika Futbol Konfederasiyasının (CONMEBOL) üzvü olmayan iki komanda dəvət edilir. Bu təcrübə ilk dəfə 1993-cü ildə tətbiq olunub. İlk dəfə bu turnirə Meksika və ABŞ komandaları qatılıb. Yaponiya millisi 1999-cu ildə Amerika Kubokunda mübarizəyə dəvət alıb. Qətər millisi isə bu turnirə doqquzuncu dəfə dəvət alıb. Ümumilikdə Meksika 10, Kosta Rika 5, ABŞ 4, Yamayka 2, Honduras, Panama və Haiti isə bir dəfə bu turnirə qatılıb.
Turnir iyunun 14-dən iyulun 7-dək Braziliyada keçiriləcək.
Bölmənin digər xəbərləri
