Futbol üzrə “UNİCEF U-16 qızlar Liqa”sı yarışlarına yekun vurulmuşdur
Bakı, 16 may (AZƏRTAC). Futbol üzrə “UNİCEF U-16 qızlar Liqa”sı yarışlarında mövsümə yekun vurulmuşdur.
AZƏRTAC xəbər verir ki, final oyununda BTİ və Lənkəran Uşaq-Gənclər İdman Məktəbinin komandası ilə qarşılaşmışdır. 8:0 hesabı ilə qələbə qazanan BTİ ilk dəfə keçirilən çempionatın qalibi olmuşdur.
Üçüncü yer uğrunda keçirilən oyunda “Zaqatala” və “Mingəçevir” komandaları qarşılaşmışdır. Rəqibindən üstün olan Zaqatala futbolçuları 4:0 hesabı ilə qələbə qazanmışlar.
Final oyunu başa çatdıqdan sonra mükafatlandırma mərasimi keçirilmişdir. Komandalara medallar və diplomlar, çempion komandaya isə Kubok təqdim edilmişdir.
Bölmənin digər xəbərləri
