Füzuli və İmişli rayonlarında vətəndaşlardan sanitar rejim qaydalarına əməl etmələri tələb olunub
Bakı, 12 may, AZƏRTAC
Füzuli və İmişli Rayon Polis Şöbələrinin əməkdaşları tərəfindən koronavirus pandemiyasının yayılmasının qarşısının alınması istiqamətində tədbirlər davam etdirilir.
Daxili İşlər Nazirliyinin mətbuat xidmətindən AZƏRTAC-a bildiriblər ki, poçt məntəqələrinin, bankların, idarələrin qarşısına toplaşan vətəndaşlara sanitar rejimin tələbləri izah olunub, onlardan sosial məsafənin qorunması, tibbi maskadan istifadə etmələri tələb edilib. Həmçinin marşrutlarda olan sərnişinlərlə, hərəkətdə olan piyadalarla maarifləndirici söhbətlər aparılıb. Polis əməkdaşları tərəfindən vətəndaşlara tibbi maska paylanılıb.
Bölmənin digər xəbərləri
