GƏLƏN İL “ŞİMAL MARŞRUTU” İLƏ AZƏRBAYCAN NEFTİNİN İXRACI 2,5 MİLYON TON OLACAQ
AZƏRTAC-ın ARDNŞ-dən aldığı xəbərə görə, noyabrda Bakı-Novorossiysk boru kəməri ilə 213,357 min ton neft ixrac edilmişdir. Ümumiyyətlə isə, ilin əvvəlindən bəri “şimal marşrutu” ilə 2,337 milyon ton neft ixrac olunmuşdur.
Dekabrda bu istiqamətdə daha 140 min ton neft göndəriləcəkdir. Bu neftin Novorossiysk limanından yola salınması dekabrın 15-16-sı üçün nəzərdə tutulmuşdur.
Beləliklə, bu marşrutla illik ixracın həcmi 2,5 milyon ton olacaqdır.
ARDNŞ Bakı-Novorossiysk marşrutu ilə gələn ildə də bir o qədər Azərbaycan nefti ixrac edilməsini planlaşdırır.
Bölmənin digər xəbərləri
