GƏMİLƏRİN TƏMİRİ ÜÇÜN EHTİYAT HİSSƏLƏRİNİN ALINMASI MƏQSƏDİ İLƏ AÇIQ TENDER ELAN EDİLMİŞDİR
AZƏRTAC xəbər verir ki, Azərbaycan Respublikası Dövlət Neft Şirkətinin Xəzər Dəniz Neft Donanması balansındakı “Andoqa”, “MPK” və digər gəmilərin təmiri üçün tələb olunan ehtiyat hissələrinin alınması məqsədi ilə açıq tender elan etmişdir.
Tenderdə iddiaçı kimi iştirak etmək istəyənlər Bakı şəhəri, Xocalı prospekti, 13 ünvanında yerləşən Xəzər Dəniz Neft Donanmasının marketinq şöbəsinə (tel/faks: 490-20-26) müraciət edib iştirak haqqını (236 ABŞ dolları və ya ödəniş gününə manatla məzənnəsi) ödədikdən sonra müvafiq sənədləri ala bilərlər.
Avadanlıq və ehtiyat hissələrinin yükalanın ünvanına müqavilə imzalandığı tarixdən etibarən, 3 aydan gec olmamaq şərti ilə çatdırılması tələb olunur.
Avadanlıq və ehtiyat hissələrinin dəyəri mal göndərildikdən sonra 1 il ərzində hissə-hissə ödəniləcəkdir.
Sənədlər, imzalanmış və möhürlənmiş tender təklifi Xəzər Dəniz Neft Donanmasına 2008-ci il oktyabrın 6-da saat 11.00-dan gec olmamaq şərti ilə təqdim olunmalıdır.
Tender təklifləri Xəzər Dəniz Neft Donanmasının yuxarıda göstərilən ünvanda yerləşən binasında oktyabrın 7-də saat 11.00-da açılacaqdır. İddiaçılar və onların səlahiyyətli nümayəndələri zərflərin açılışı prosedurunda iştirak edə bilərlər.
Bölmənin digər xəbərləri
