GƏNC AİLƏLƏRİN SOSİAL-İQTİSADİ VƏZİYYƏTİ ÖYRƏNİLƏCƏKDİR
“Beynəlxalq Ailə İlinin onuncu ildönümünün Azərbaycan Respublikasında qeyd olunması ilə bağlı tədbirlər planı”na əsasən bu il gənc ailələrin sosial-iqtisadi problemlərinin öyrənilməsi və araşdırılması məqsədi ilə sosioloji sorğu aparılması nəzərdə tutulmuşdur.
Qadın Problemləri üzrə Dövlət Komitəsindən AZƏRTAC-a bildirmişlər ki, bununla əlaqədar müvafiq təşkilatlar tərəfindən “Gənc ailələrin sosial-iqtisadi vəziyyəti haqqında sosioloji tədqiqatın sorğu vərəqəsi”nin layihəsi hazırlanmışdır. Sorğu vərəqəsinin layihəsi təsdiq olunduqdan sonra sosioloji tədqiqat işinin keçirilməsinə başlanacaqdır.
