GƏNCƏDƏ 11 AYDA 600 YENİ İŞ YERİ AÇILMIŞDIR
İqtisadi İnkişaf Nazirliyi Gəncə şöbəsinin rəisi Azər Muradov AZƏRTAC-ın müxbirinə demişdir ki, şöbə şəhərin sosial-iqtisadi strategiyasının hazırlanmasında, istehsal sahələrinə sərmayələrin cəlb edilməsində, yeni iş yerlərinin açılmasında yaxından iştirak edir. Məhz bunun nəticəsidir ki, 2003-cü ilin 11 ayı ərzində Gəncədə 65 obyekt özəlləşdirilmişdir. Bunun sayəsində dövlət büdcəsinə 2 milyard manat vəsait ödənmişdir. İdarəetməyə verilmiş dövlət müəssisələrindən 100 milyon manata yaxın vəsait yığılmışdır. Bundan başqa, sahibkarlara 3 milyard manat güzəştli kreditlər verilmişdir ki, bunun da nəticəsində özəl bölmədə 600-ə yaxın yeni iş yeri açılmışdır.
Bölmənin digər xəbərləri
