GƏNCƏDƏ 2 FEVRAL-GƏNCLƏR GÜNÜ MÜNASİBƏTİLƏ KONFRANS KEÇİRİLMİŞDİR
Gəncə Dövlət Universitetində 2 Fevral – Azərbaycan Gəncləri gününə həsr edilmiş “Heydər Əliyev və gənclər siyasəti” mövzusunda elmi-praktik konfrans keçirilmişdir. Şəhər icra hakimiyyəti, təhsil, gənclər, idman və turizm idarələri ilə birgə keçirilən konfransda Kəpəz Rayon İcra Hakimiyyətinin başçısı Çingiz Muxtarov, universitetin rektoru, professor Mübariz Yusifov, Gəncə Şəhər İcra Hakimiyyəti başçısının müavini Akif Ələkbərov, gənclər, idman və turizm idarəsinin rəisi Cumah Rəhimov və başqaları müzakirə olunan mövzu ətrafında məruzələrlə çıxış etmişlər. Məruzə və çıxışlarda əsası ümummilli liderimiz Heydər Əliyev tərəfindən qoyulan və ölkəmizin Prezidenti İlham Əliyev tərəfindən daha da təkmilləşdirilən gənclər siyasəti sahəsində qazanılan uğurlardan, ölkə daxilində və eləcə də beynəlxalq arenada respublikamıza şərəf gətirən gənclərimizin fəallığından söhbət açılmış və bundan sonra da bu nailiyyətlərin artacağına əminlik ifadə olunmuşdur. Sonra konfrans bölmə iclaslarında öz işini davam etdirmişdir.
