Gəncədə Azərbaycan gənclərinin I informasiya kommunikasiya texnologiyaları forumu öz işinə başlamışdır
Gəncə, 23 noyabr (AZƏRTAC). “Gələcəyə körpü” Gənclər İctimai Birliyinin təşkilatçılığı və Azərbaycan Respublikası Prezidenti yanında Gənclər Fondunun maliyyə dəstəyi ilə Gəncədə Azərbaycan gənclərinin I informasiya kommunikasiya texnologiyaları forumu öz işinə başlamışdır.
AZƏRTAC xəbər verir ki, 100-ə yaxın gəncin iştirak etdiyi forumda informasiya resurslarının effektiv fəaliyyəti, İKT sahəsində yeni ideyaların yayılması və ən yeni təlimlərin aparılması, bu sahədə gənclərin fəaliyyəti və informasiya-telekommunikasiya sahəsində daha səmərəli fəaliyyətinə təminat yaradılması kimi məsələlər ətrafında müzakirələr aparılacaq, region gənclərinin qarşılaşdıqları problemlərin qismən aradan qaldırılması üçün məsləhətlər veriləcəkdir.
Forumda Azərbaycan Respublikası Prezidenti yanında Gənclər Fondunun, eləcə də qeyri hökumət təşkilatlarının ekspertləri müxtəlif mövzularda məruzələrlə çıxış edəcək, maraqlı diskussiyalar aparacaqlar.
Bölmənin digər xəbərləri
