GƏNCƏDƏ BEYNƏLXALQ GƏNCLƏR GÜNÜ MÜNASİBƏTİLƏ “DƏYİRMİ MASA” KEÇİRİLMİŞDİR
AZƏRTAC xəbər verir ki, Gəncə Şəhər Mərkəzi Kitabxanasında Beynəlxalq Gənclər günü münasibətilə “dəyirmi masa” keçirilmişdir.
Tədbirdə “Gənclər və narkomaniya təhlükəsi”, “Azərbaycan gəncliyi və ailə”, “Gənclərdə vətəndaşlıq və vətənpərvərlik hislərinin formalaşdırılması”, “Azərbaycan gəncliyi və milli-mənəvi dəyərlərimiz”, “Dünya ölkələrində Azərbaycanın təbliği” mövzularında məruzələr dinlənilmişdir.
“Dəyirmi masa” iştirakçıları Azərbaycan gənclərini vətəndaş cəmiyyətinin formalaşmasında və cəmiyyətin ictimai həyatında daha fəal iştirak etməyə çağırmışdır.
Tədbirin sonunda “XXI əsrdə Azərbaycan gəncliyi” adlı kitab sərgisi nümayiş etdirilmişdir.
Bölmənin digər xəbərləri
