“Gənclərə dəstək” layihəsi çərçivəsində növbəti konsert Filarmoniyada olacaq
Bakı, 30 yanvar, AZƏRTAC
“Gənclərə dəstək” layihəsi çərçivəsində növbəti konsert fevralın 18-də M. Maqomayev adına Azərbaycan Dövlət Akademik Filarmoniyasında təqdim olunacaq.
Filarmoniyadan AZƏRTAC-a bildirilib ki, konsert proqramı Xalq artisti Ağaverdi Paşayevin dirijorluğu ilə Azərbaycan Dövlət Xalq Çalğı Alətləri Orkestri tərəfindən müşayiət ediləcək. Konsert çərçivəsində gənc ifaçılar tərəfindən tanınmış gənc və klassik bəstəkarların əsərləri ifa olunacaq.
Qeyd edək ki, “Mədəniyyət” kanalı və Azərbaycan Akademik Dövlət Filarmoniyasının birgə təşkilatçılığı ilə gerçəkləşəcək layihə çərçivəsində hər il mütəmadi olaraq konsert proqramları təqdim edilir.
Bölmənin digər xəbərləri
