GORANBOYDA XOCALIDAN OLAN MƏCBURİ KÖÇKÜNLƏR ÜÇÜN YENİ QƏSƏBƏLƏR SALINIR
AZƏRTAC xəbər verir ki, Goranboy rayonunda Xocalıdan olan 500 məcburi köçkün ailəsi üçün 4 qəsəbə inşa olunur.
Qəsəbələrdə tikilən hər evin 1200 kvadratmetr həyətyanı sahəsi vardır. Hazırda üç qəsəbədə 96 yerlik, Aşağı Ağcakənddə isə 270 yerlik orta məktəb binaları, 50 yerlik uşaq bağçası, klub, yanğınsöndürmə deposu tikilir.
Xocalı Şəhər İcra Hakimiyyətindən bildirmişlər ki, qəsəbələrin tikintisində məcburi köçkünlərin özləri də iştirak edirlər. Bu da onların işlə təminatında olan problemi aradan qaldırmışdır.
