GÖRKƏMLİ ŞAİR İLYAS TAPDIQLA GÖRÜŞ KEÇİRİLMİŞDİR

15.12.2006 [02:04]
Çap et
A⁺ A^-

AZƏRTAC xəbər verir ki, dekabrın 14- də Xəzər Universitetinin “Dünya” konsert salonunda görkəmli şair, Prezident təqaüdçüsü İlyas Tapdıqla görüş keçirilmişdir.

Universitetin “Dünya” məktəbi şagirdlərinin ifasında şairin şeirləri səslənmiş, kompozisiyalar nümayiş etdirilmişdir.

Məktəbin direktoru Nailə İsayeva 41 şeir kitabının müəllifi, 40-a yaxın ölkədə şeirləri çap olunan İlyas Tapdığın həyat və yaradıcılığı haqqında şagirdlərə məlumat vermişdir.

Tədbirdə filologiya elmləri doktoru, professor Bəhlul Abdulla, “Yeni Lider” qəzetinin redaktoru Fərman Borçalı, şairə Zərəngiz Dəmirçi və başqaları iştirak etmişlər.

Sonda İlyas Tapdıq məktəbin rəhbərliyinə, müəllim və şagirdlərə, iştirakçılara minnətdarlığını bildirmiş, diqqət və qayğıya görə təşəkkür etmişdir.