GÖRKƏMLİ SELEKSİYAÇI ALİM, AKADEMİK CƏLAL ƏLİYEVİN TƏDQİQATLARI BÖYÜK FAYDA VERİR
AZƏRTAC-ın müxbiri xəbər verir ki, müşavirədə taxılçılığın elmi əsaslarla inkişafından geniş söhbət açılmış, sosial-iqtisadi problemlərin həlli istiqamətində görüləcək işlər müəyyənləşdirilmişdir. Tərtər Təcrübə Stansiyasının direktoru Faiq Məmmədov və digər natiqlər tanınmış seleksiyaçı alim, Milli Məclisin deputatı Cəlal Əliyevin bu sahədə xidmətlərini yüksək qiymətləndirmişlər. Qeyd olunmuşdur ki, məhz görkəmli akademikin şəxsi təşəbbüsü ilə Bölgə Təcrübə Stansiyasında “Müsabiqəli qrantlar və elmi sistemlərin islahatları” proqramı uğurla həyata keçirilir. Yeni proqram ölkədə kənd təsərrüfatının inkişafına da güclü təkan verəcəkdir. C.Əliyevin təşəbbüsü ilə taxılçılıq sahəsində tanınmış beynəlxalq mərkəzlərin əməkdaşları, Türkiyə, Rusiya, Ukrayna, Qazaxıstan və Gürcüstan alimləri hər il stansiyada olur, dəyərli məsləhətlərini verirlər. Stansiyada arpa, bərk və yumuşaq buğdanın seleksiyası aparılır, xəstəliyə davamlı, yüksək məhsuldar sortlar yaradılır. Alimin yaratdığı “Bərəkətli”, “Əlincə-84”, “Nurlu”, “Şiraslan-23”, “Əzəmətli”, “Qiymətli-2/17” və digər sortlardan yüksək məhsul götürülür.
Stansiya respublikamızın fermer təsərrüfatlarını yüksək reproduksiyalı toxumla təmin edir. Bu il toxumçuluq şöbəsi 226 hektar sahədə səpin aparmışdır. Taxıl sahələri elmi işçilərin nəzarəti altında becərilir.
Müşavirədə qeyd olunmuşdur ki, elm fədaisi, tanınmış ictimai-siyasi xadim, dünya şöhrətli akademik Cəlal Əliyevin elmi axtarışlarının nəticələri bölgə təcrübə stansiyasında bundan sonra da müvəffəqiyyətlə həyata keçiriləcəkdir.
Bölmənin digər xəbərləri
