GUAM-ın baş katibi Ukrayna Xarici İşlər Nazirliyində olub
Kiyev, 29 yanvar, AZƏRTAC
Yanvarın 29-da Ukrayna Xarici İşlər Nazirliyində Demokratiya və İqtisadi İnkişaf Uğrunda Təşkilat - GUAM-ın baş katibi Altay Əfəndiyev nazir müavini Vadim Pristayko ilə görüşüb.
Təşkilatın mənzil-qərargahından AZƏRTAC-a bildirilib ki, görüşdə GUAM-ın əməkdaşlıq əlaqələrinin genişlənməsi, beynəlxalq təşkilat kimi rolu və nüfuzunun artırılması barədə fikir mübadiləsi aparılıb.
Qeyd olunub ki, GUAM-ın əməkdaşlıq formatı iştirakçı ölkələrin əməkdaşlıq potensialının cəlb edilməsi üçün mühüm regional platformadır.
Görüşdə GUAM nəqliyyat dəhlizinin həyata keçirilməsinin, iştirakçı dövlətlər arasında azad ticarət zonası haqqında sazişin, habelə digər sahələrdə əməkdaşlığın vacibliyi vurğulanılıb.
A.Əfəndiyev GUAM-ın Kiyevdə katibliyi üçü yaradılan gözəl şəraitə görə Ukrayna hökumətinə təşəkkürünü bildirib.
Tərəflər gələcəkdə sıx əməkdaşlıq edəcəkləri barədə razılığa gəliblər.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
