Gülşən Paşayeva: Türkmənistan tərəfindən hədiyyə olaraq tikiləcək məscid dostluğun və qardaşlığın əyani təzahürüdür
Bakı, 10 oktyabr, AZƏRTAC
Məscid dostluğun və qardaşlığın əyani təzahürüdür. Qarabağ torpaqları sürətlə yenidən qurulur. Qardaş Türkmənistanın dəstəyi ilə inşa olunacaq məscid həm Türk dünyasının birliyinin, həm də mənəvi dirçəlişin rəmzinə çevriləcək.
AZƏRTAC xəbər verir ki, bu sözləri Milli Məclisinin deputatı, Beynəlxalq Münasibətlərin Təhlili Mərkəzinin (BMTM) İdarə Heyətinin üzvü Gülşən Paşayeva Füzuli şəhərində Türkmənistan tərəfindən hədiyyə olunaraq tikiləcək məscidin təməlqoyma mərasimi ilə bağlı keçirilən brifinqdə söyləyib.
O bildirib ki, son illərdə Azərbaycan ilə Türkmənistan arasında nəqliyyat, enerji və logistika sahələrində əməkdaşlıq daha da inkişaf edib. Dostluğun və qarşılıqlı etimadın güclənməsi iki ölkə münasibətlərini yeni səviyyəyə qaldırıb. Bu əməkdaşlıq təkcə xalqlarımız arasında bağları möhkəmləndirmir, həm də regionun strateji əhəmiyyətini artırır.
Bölmənin digər xəbərləri
