GÜNƏŞ TUTULMASINI VATİKAN ASTRONOMLARI DA İZLƏMİŞLƏR
Papa rəsədxanasının əməkdaşları bildirirlər ki, həddən ziyadə böyüdücü teleskopla müşahidələr zamanı Ayın limbi əyri-üyrü xətti xatırladır. Bu kələ-kötürlüyü Ayda dağlar əmələ gətirir. Onların proyeksiyası Günəş diskinə düşərək, müəyyən vaxt çərçivəsində Ayın ideal profilini yaradır.
Müqəddəs Taxt-Tac-ın astronomiya ilə bağlı heç də həmişə uyarlı olmayan qədim ənənələri var. Sistemimizin quruluşunun geosentrik formulunu inkvizisiya uzun müddət qəbul etməmiş, Nikolay Kopernik, Qalileo Qaliley və 1600-cü ildə Romanın Kampo-di-fyori meydanında diri-diri yandırılmış Cordano Bruno kimi görkəmli astronomlar təqib olunmuşdur.
Məlumdur ki, Roma Katolik Kilsəsi C.Brunonu heç bir vəchlə bağışlaya bilmədi və Vatikan alimə qarşı yol verilmiş ifrat qəddarlığa görə yalnız dövlət katibi Ancelo Sordinin dili ilə “təəssüfləndiyini” bildirdi. Qalileyin təqib olunmasına gəldikdə isə, Papa II İohann Pavel xristianlığın 2000-ci ilində məşhur “mea kulpa” (“mənim günahım”) sözləri ilə kilsə günahlarına görə üzr istəmişdir.
Səma cisimlərini izləmək üçün 1606-cı ildə müasir teleskopu məhz Qaliley yaratmışdı.
Bölmənin digər xəbərləri
