Gürcüstan ABŞ-ın Avropada təşkil etdiyi “Defender 2023” təlimlərinə qatılmayacaq
Tbilisi, 3 may, AZƏRTAC
Gürcüstan ABŞ-ın Avropada təşkil etdiyi “Defender 2023” çoxmillətli təlimlərinə qatılmayacaq.
AZƏRTAC xəbər verir ki, bu barədə Gürcüstan Müdafiə Nazirliyi məlumat yayıb.
Nazirlik bildirib ki, Gürcüstan 2023-cü ildə NATO ölkələri ilə birlikdə Türkiyə, Almaniya, Slovakiya və Niderlanda keçirilən dörd beynəlxalq təlimdə iştirak edib və “Defender 2023”də iştirakdan imtina barədə qərar ABŞ ilə razılaşdırılıb.
“Müdafiə Qüvvələri döyüş qabiliyyətinin artırılması məqsədilə daim beynəlxalq təlimlərdə iştirak edir. Gürcüstan ilin sonuna kimi Türkiyə, Estoniya, Polşa, Bolqarıstan, Rumıniya, Böyük Britaniya, Almaniya, Azərbaycan və İtaliyada keçiriləcək təlimlərdə də iştirak etməyi planlaşdırır. Bu il Gürcüstan NATO-ya üzv ölkələr və tərəfdaşlarla birlikdə dörd beynəlxalq təlimdə iştirak edib. İlin sonuna kimi gürcü hərbçilər daha bir neçə beynəlxalq təlimə qatılacaqlar”, - deyə nazirliyin məlumatında qeyd olunub.
AZƏRTAC-ın xüsusi müxbiri
Tbilisi
Bölmənin digər xəbərləri
