Gürcüstan Azərbaycandan 13,6 milyon dollarlıq neft və neft məhsulları idxal edib
Tbilisi, 19 may, AZƏRTAC
Gürcüstan yanvar-aprel aylarında Azərbaycandan 13,6 milyon ABŞ dolları dəyərində 41,8 min ton neft və neft məhsulları idxal edib. Bu da illik müqayisədə 20,2 min ton və ya 32,5 faiz azdır.
AZƏRTAC xəbər verir ki, bu barədə Gürcüstan Milli Statistika Xidməti məlumat yayıb.
Bildirilir ki, Gürcüstan hesabat dövründə ümumilikdə 171,2 milyon dollar dəyərində neft və neft məhsulları idxal edib. Gürcüstanın neft və neft məhsullarının idxalında 19 faiz azalma qeydə alınıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
