Gürcüstan fövqəladə vəziyyət rejimini uzatmaq niyyətində deyil
Tbilisi, 15 may, AZƏRTAC
Gürcüstanda fövqəladə vəziyyət rejimi mayın 22-də başa çatacaq. Hökumət fövqəladə vəziyyət rejimini uzatmaq niyyətində deyil.
AZƏRTAC xəbər verir ki, bu barədə ölkənin Baş Naziri Giorgi Qaxariya deyib.
Hökumət başçısı bildirib ki, ölkədə COVID-19 virusu ilə bağlı təhlükə tam sovuşmayıb. Lakin pandemiya tam nəzarət altındadır. Ona görə də, hökumət fövqəladə vəziyyətin uzadılması ilə bağlı prezidentə müraciət etməyəcək.
G.Qaxariya deyib ki, bununla belə koronavirusla bağlı bəzi qadağalar qüvvədə qalacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
