GÜRCÜSTAN MALİYYƏ POLİSİNİN 6 ƏMƏKDAŞI NARKOTİK MADDƏDƏN İSTİFADƏ EDİRMİŞ
AZƏRTAC-ın xüsusi müxbiri xəbər verir ki, Gürcüstan maliyyə polisinin rəisi David Kezeraşvilinin təşəbbüsü ilə idarənin 110 əməkdaşı narkoloji müayinədən keçirilmişdir. Nəticədə onlardan 6 nəfərin narkotik maddələrdən istifadə etdiyi təsdiq olunmuşdur.
D.Kezeraşvili demişdir: “Müayinənin nəticələri məlum olduğu gündən onların hamısı vəzifələrindən azad edilmişdir. Müayinəyə gəlməyən üç nəfərin hərəkəti də bizdə şübhə yaratmışdır. Əgər bu əməkdaşlar müəyyən edilmiş vaxtda müayinədən keçməsələr, onlar da vəzifələrindən kənarlaşdırılacaqlar”.
