GÜRCÜSTANDA HƏRBİ VƏZİYYƏT LƏĞV EDİLMİŞDİR
AZƏRTAC-ın xüsusi müxbiri xəbər verir ki, sentyabrın 3-də Gürcüstan Parlamentinin qəbul etdiyi qərara əsasən ölkədə hərbi vəziyyət rejimi ləğv edilmişdir.
İşğal altında olan ərazilərdə isə fövqəladə vəziyyət elan olunmuşdur. Parlamentin sədri David Bakradze bildirmişdir ki, ölkədə hərbi vəziyyət rejiminin mövcudluğu iqtisadiyyatın sabitliyi və inkişafına, idxala və ixraca ciddi problem yaradır. Rejimin ləğv edilməsi bununla bağlıdır.
O vurğulamışdır ki, ərazi bütövlüyü uğrunda mübarizə davam edir. Fərqli rejimə keçmək ölkənin əsas hissəsində fəaliyyət sahəsinin maneəsiz genişləndirilməsinə şərait yaradacaqdır.
Bölmənin digər xəbərləri
