GÜRCÜSTANDA PREZİDENT SEÇKİLƏRİNİN GEDİŞİNİ MDB ÖLKƏLƏRİNDƏN 90 MÜŞAHİDƏÇİ İZLƏYƏCƏK

02.01.2004 [11:38]
Çap et
A⁺ A^-

AZƏRTAC-ın müxbiri Tbilisidə fəaliyyət göstərən MDB ölkələri müşahidəçilərinin missiyasına istinadla xəbər verir ki, Gürcüstanda yanvarın 4-də keçiriləcək prezident seçkilərinin gedişini MDB ölkələrindən 90 müşahidəçi izləyəcəkdir.

Missiyanın məlumatına görə, seçkilərdə Azərbaycan 6 müşahidəçi ilə təmsil olunacaqdır. Missiyaya MDB-nin icraçı katibi Yuri Yarov başçılıq edir. Müşahidəçilərin əsas hissəsi Tbilisiyə yanvarın 3-də gələcəkdir. MDB ölkələrinin müşahidəçiləri seçkilər günü Gürcüstanın, əslində, bütün bölgələrində olacaqlar.

MDB ölkələri müşahidəçilərinin missiyası seçkilərin monitorinqinin ilkin nəticələrini yanvarın 5-də açıqlayacaqdır.