Gürcüstanın beynəlxalq valyuta ehtiyatları artıb
Tbilisi, 8 yanvar, AZƏRTAC
Gürcüstanın beynəlxalq valyuta ehtiyatları 2023-cü ildə 101 milyon dollardan çox artıb.
AZƏRTAC xəbər verir ki, bu barədə məlumat Gürcüstan Milli Bankının statistik məlumatlarında yer alıb.
Bildirilir ki, 2023-cü ilin dekabrına ölkənin beynəlxalq ehtiyatları 5,003 milyard dollara çatıb, bu da əvvəlki ilin eyni dövrü ilə müqayisədə 101,5 milyon dollar çoxdur. 2022-ci ilin dekabr ayının sonunda ölkənin valyuta ehtiyatlarının həcmi 4,901 milyard dollar təşkil edib.
Qeyd olunur ki, Gürcüstan Milli Bankı qızıl şəklində vəsait saxlamır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
