Haaqada Xocalı faciəsinə həsr olunmuş mərasim keçirilmişdir
Bakı, 25 fevral (AZƏRTAC). Haaqada Xocalı faciəsi qurbanlarının abidəsi önündə qanlı hadisələrin ildönümünə həsr olunmuş tədbir keçirilmişdir.
Niderlandın “Ana Vətən” Azərbaycanlı Qadınlar Birliyinin sədri Maisə Ağamirzəyeva AZƏRTAC-a bildirmişdir ki, bu qurumun, “Hollandiya-Azərbaycan-Türkiyə” Mədəniyyət Mərkəzinin, Hollandiyanın Azərbaycanlı Gənclər Cəmiyyətinin birgə təşkilatçılığı, eləcə də Azərbaycanın dostu - hollandiyalı Hert van Damın köməyi ilə keçirilmiş tədbirdə Azərbaycanın Niderlanddakı səfiri Mirhəmzə Əfəndiyev, səfirliyin əməkdaşları, Əsir və itkin düşmüş, girov götürülmüş vətəndaşlarla əlaqədar Dövlət Komissiyası işçi qrupunun sədri Firudin Sadıqov, siyasətçilər, kütləvi informasiya vasitələrinin, Hollandiya ictimaiyyətinin, Türkiyə diasporunun nümayəndələri iştirak etmişlər.
Şəhidlərin ruhuna dualar oxunmuşdur. Sonra çıxışlar olmuşdur.
Tədbir iştirakçılarına Xocalı faciəsinə həsr olunmuş disklər və kitabçalar paylanmışdır.
Qanlı hadisəyə həsr olunmuş silsilə tədbirlər davam edəcəkdir.
Fevralın 26-da Haaqa Ədalət Məhkəməsindən Ermənistan səfirliyinədək yürüş keçiriləcəkdir. Yürüş zamanı yerli əhaliyə Xocalı faciəsi haqqında vərəqələr və kitabçalar paylanılacaqdır.
Bölmənin digər xəbərləri
