HACIQABULDA SEL SULARININ YARATDIĞI PROBLEMLƏR ARADAN QALDIRILIR
Hacıqabul Rayon İcra Hakimiyyəti başçısının birinci müavini, rayon fövqəladə hallar komissiyasının sədri Sahib Aslanovun verdiyi məlumata görə, indi çaydan hər saniyədə 90 kub su ötürülür. Fövqəladə Hallar Nazirliyinin vertolyotu vasitəsilə iyulun 9-da çayın yatağında olan adaların birində qalmış iki nəfərin həyatını xilas etmək mümkün olmuşdur. Hazırda rayonun Qubalıbaloğlan, Pirsaat, Rəncbər, Atbulaq və Qızılburun kəndləri istiqamətində çayın sahil bəndləri möhkəmləndirilir, Pirsaat su anbarında “Azərbaycan Meliorasiya və Su Təsərrüfatı” Açıq Səhmdar Cəmiyyətinin 20-yə yaxın texnikası işləyir. Vəziyyət nəzarət altındadır.
Bölmənin digər xəbərləri
