Hədə-qorxu ilə pul tələb etməkdə şübhəli bilinən Xaçmaz sakini saxlanılıb
Bakı, 22 mart, AZƏRTAC
Martın 20-də Xaçmaz rayon sakini E.Kərimov rayon polis şöbəsinə ərizə ilə müraciət edərək ötən il oktyabr ayında həmyerlisi A.Əlislamovun oğurluq məqsədi ilə həyətinə girdiyini, onun əllərini bağlayıb fotoşəkillərini çəkərək yayacağı hədəsi ilə 5000 manat pul tələb etdiyini və 3500 manat aldıqdan sonra sərbəst buraxdığını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, polis əməkşdaşlarının keçirdikləri əməliyyat-axtarış tədbirləri nəticəsində hədə-qorxu ilə pul tələb etməkdə şübhəli bilinən A.Əlislamov saxlanılıb.
Xaçmaz RPŞ tərəfindən araşdırma aparılır.
Bölmənin digər xəbərləri
