Hər il aprelin 22-də Beynəlxalq Ana Yer Günü qeyd olunur
Bakı, 22 aprel (AZƏRTAC). Beynəlxalq Ana Yer Günü (International Mother Earth Day) 2009-cu il aprelin 22-də BMT Baş Assambleyasının 63-cü sessiyasında Boliviyanın təşəbbüsü ilə elan edilmişdir. BMT-nin üzvü olan 50-dən çox ölkə qətnamənin həmmüəllifi kimi çıxış etmişdir.
Ana Yer Gününün elan edilməsi ilə bağlı qətnamədə bildirilir ki, Yer və onun ekosistemi bizim evimizdir. İndiki və gələcək nəsillərin iqtisadi, sosial və ekoloji tələbatları arasında ədalətli balansa nail olmaq üçün təbiət və Yer planeti ilə harmoniyanı təşviq etmək lazımdır.
BMT Baş Assambleyasının qeyd etdiyi kimi, Ana Yer Gününün elan edilməsi analoji tədbirlərin dəyişik salınmasına səbəb olmamalıdır. Məsələn, martda yaz bərabərliyi günündə qeyd olunan Yer Günü 1970-ci ildən etibarən dünyanın bir çox ölkələrində keçirilir.
Əksinə, Beynəlxalq Ana Yer Günü bu tədbirləri möhkəmləndirməyə və bəşəriyyətin qarşısında dayanan aktual problemlərin mahiyyəti baxımından onlara yeni impuls verməyə çağırır.
Bölmənin digər xəbərləri
