ORDU
Hərbi Dəniz Qüvvələrində Hərbi Prokurorluğun nümayəndələri ilə görüş keçirilib
Bakı, 24 oktyabr, AZƏRTAC
Müdafiə Nazirliyi ilə Respublika Hərbi Prokurorluğu arasında imzalanan 2019-cu il üçün birgə tədbirlər planına əsasən, Hərbi Dəniz Qüvvələrində görüş keçirilib.
Nazirliyin mətbuat xidmətindən AZƏRTAC-a bildiriblər ki, görüşdə hərbi qulluqçulara qarşılıqlı davranış qaydaları və münasibətlərin nizamnamənin tələblərinə uyğun qurulması barədə brifinq təqdim olunub.
Bakı Hərbi Prokurorunun böyük köməkçisi, 1-ci dərəcəli hüquqşünas Tural Salmanov şəxsi heyətlə “Hərbi kollektivin möhkəmləndirilməsində matrosun rolu” mövzusunda söhbət aparıb.
Sonda görüş iştirakçıları mövzu ilə əlaqəli aktual məsələləri müzakirə edib və bu cür tədbirlərin keçirilməsinin vacibliyini vurğulayıblar.