Hərbi İdarəetmə İnstitutunun təkmilləşdirmə kursunun növbəti buraxılışı olub
Bakı, 30 may, AZƏRTAC
Mayın 30-da Əməliyyat-taktiki fakültədə “Qərargah zabitləri” səviyyəsində təkmilləşdirmə kursunun 67-ci buraxılışına həsr olunmuş tədbir keçirilib.
Müdafiə Nazirliyindən AZƏRTACA-a bildirilib ki, əvvəlcə Azərbaycan xalqının Ümummilli Lideri Heydər Əliyevin və Azərbaycanın dövlət müstəqilliyi, ərazi bütövlüyü uğrunda şəhid olanların xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Tədbiri Hərbi İdarəetmə İnstitutunun rektoru, polkovnik Elnur Ələsgərli açaraq təkmilləşdirmə kursunun elmi mahiyyəti, ordu quruculuğu prosesində əhəmiyyətini vurğulayıb, bu kimi kursların bilavasitə döyüş hazırlığının yüksəldilməsində müsbət təsirini qeyd edib.
Sonda təkmilləşdirmə kursunu bitirən zabitlərə sertifikatlar təqdim edilib.
Bölmənin digər xəbərləri
