“Hesab.az” portalına yeni internet provayder qoşulub
Bakı, 11 iyun, AZƏRTAC
“Hesab.az” portalı “Nar” mobil operatoru ilə əməkdaşlığının yeni mərhələsinə başlayıb.
Portaldan AZƏRTAC-a verilən məlumata görə, “Nar” abunəçisinin balansı 0 olduqda və ya “Nar” kredit limiti bitərsə, “Hesab.az” portalına pulsuz daxil olub, balansını artıra biləcək.
“Hesab.az” “GoldenPay” şirkətinə məxsus 70-dən çox təşkilata bank kartları vasitəsilə ödənişləri təqdim edən portaldır. Burada mobil və stasionar telefon operatorlarına, internet provayderlərə, televiziya, kommunal təşkilatlara, lizinq və banklara kreditlərin ödənişi mümkündür. Portalda həm də onlayn sığorta xidmətləri və kinoteatrlara bilet almaq da mümkündür.
Bölmənin digər xəbərləri
