Hesablama Palatası: Nəzarət tədbirlərinin nəticələri üzrə müəyyənləşdirilmiş təhriflərin əsas hissəsi aradan qaldırılıb
Bakı, 21 iyul, AZƏRTAC
Hesablama Palatası tərəfindən həyata keçirilmiş nəzarət tədbirlərinin nəticələri üzrə əvvəlki ildə müəyyən edilmiş təhriflərin əsas hissəsi 2022-ci ilin 6 aylıq dövründə aradan qaldırılıb.
Palatadan AZƏRTAC-a bildirilib ki, hesabat dövründə də əvvəlki illərdə başa çatdırılmış nəzarət tədbirlərinin nəticələri üzrə qurumlar tərəfindən atılmış addımların icrasının izlənilməsi diqqətdə saxlanılıb, əvvəlki illərin nəzarət tədbirləri üzrə 2022-ci ilin ilk 6 ayında pul, natura və əvəzləşdirmə formasında 2,7 milyon manat vəsaitin bərpası təmin edilib, bundan əlavə, 943,4 min manat məbləğində debitor borc bağlanılıb və ya ləğv edilib, maliyyə hesabatlarında və uçotunda aşkar edilmiş təhriflərlə bağlı aidiyyəti düzəlişlər edilməklə 681,7 milyon manat hesabatlarda əks etdirilib, vergi bəyannamələrində dəqiqləşmələr aparılıb, intizam tənbeh tədbirləri tətbiq edilib, eləcə də strukturun optimallaşdırılması ilə bağlı tədbirlər keçirilib.
Bölmənin digər xəbərləri
